ജന്മഭൂമി ഓണപ്പതിപ്പില്‍ (2016) കവിത - നമസ്തേ നമസ്തേ!
നമസ്തേ... നമസ്തേ...
ഡോ. സുകുമാര്‍ കാനഡ
ആശാനഭസ്സിലെന്‍ മാനാഭിമാനപ്പെരും തീയി-
ലാളിത്തിളച്ചാവിയാവും മനസ്സേ, നമസ്തേ.
അത്യുഷ്ണ വാതത്തിനായു,മതുപോലൊരിത്തിരി
ക്കാറ്റിന്റെ ശീതത്തിനായും കൊടും തപം ചെയ്യും
മനസ്സേ, നമസ്തേ; നമസ്തേ... നമസ്തേ...
ലാളിത്തിളച്ചാവിയാവും മനസ്സേ, നമസ്തേ.
അത്യുഷ്ണ വാതത്തിനായു,മതുപോലൊരിത്തിരി
ക്കാറ്റിന്റെ ശീതത്തിനായും കൊടും തപം ചെയ്യും
മനസ്സേ, നമസ്തേ; നമസ്തേ... നമസ്തേ...
കാലത്തിനതിവര്‍ഷമാരിയിലതിദ്രുതം
വന്യമാമേതോ കയങ്ങളിലാണ്ടാണ്ടു പോവാ-
നുഴറിപ്പെരുംപാച്ചിലായിക്കിതയ്ക്കും
മനസ്സേ, നമസ്തേ; നമസ്തേ... നമസ്തേ...
വന്യമാമേതോ കയങ്ങളിലാണ്ടാണ്ടു പോവാ-
നുഴറിപ്പെരുംപാച്ചിലായിക്കിതയ്ക്കും
മനസ്സേ, നമസ്തേ; നമസ്തേ... നമസ്തേ...
ഓടിയുഴന്നൊടുവി,ലെപ്പൊഴോ, എങ്ങാനു,
മൊരുപിടിമണ്ണിലായ് ,വിശ്രാന്തിപൂകുവാന്‍
ഒരു ചുടല വെന്തതിന്‍ ചാരമായ് പോലും,
തപിക്കാ,തൊരിക്കലു,മതോര്‍മ്മയായ് തീരാതെ
തന്നിലേയ്ക്കായിച്ചുരുങ്ങി,യൊതുങ്ങി,യൊടുങ്ങാനൊരുങ്ങും
വപുസ്സേ, നമസ്തേ; നമസ്തേ... നമസ്തേ...
മൊരുപിടിമണ്ണിലായ് ,വിശ്രാന്തിപൂകുവാന്‍
ഒരു ചുടല വെന്തതിന്‍ ചാരമായ് പോലും,
തപിക്കാ,തൊരിക്കലു,മതോര്‍മ്മയായ് തീരാതെ
തന്നിലേയ്ക്കായിച്ചുരുങ്ങി,യൊതുങ്ങി,യൊടുങ്ങാനൊരുങ്ങും
വപുസ്സേ, നമസ്തേ; നമസ്തേ... നമസ്തേ...
കര്‍മ്മങ്ങള്‍, ബന്ധങ്ങള്‍, സഞ്ചിതം
സര്‍വ്വവും കാലാനുസാരികള്‍
കാലന്നു പോലുമേ കണ്ണില്‍പ്പെടാത്തതാം തപ്ത ജന്മങ്ങള്‍
തമ്മി,ലൊട്ടൊന്നു,മൊട്ടിയു, മൊട്ടു,മൊട്ടാതെയും
വെറും കൊള്ളക്കൊടുക്കലിന്‍
പാപസാമ്യക്കണിശ നിശിതമായ് വേരോടി
നേരിട്ടറിയുന്നതാം കര്‍മ്മബന്ധങ്ങള്‍;
നമസ്തേ, നമസ്തേ; നമസ്തേ, നമസ്തേ...
ഒരിത്തിരി കരഞ്ഞും ചിരിച്ചും
പ്രണയിച്ചു പേയാടി വന്നെന്നെ മാടി വിളിച്ചും
നിറനിലാ സ്വപ്നമനുരാഗരാഗം നിറച്ചും
കവിതയില്‍ കാതരം വന്നുദിച്ചും
ആണായി, പെണ്ണായി, രണ്ടിന്‍റെ-
യതിരുകളുമില്ലാതുയര്‍ന്നതാം സൌഹൃദ
സ്നേഹരാഗങ്ങള്‍; നമസ്തേ, നമസ്തേ...
തിക്തമാമനുഭവച്ചൂടിന്റെ തീരാത്തുടര്‍ക്കഥയില്‍
എന്നുമൊരു രംഗമിവനെപ്പൊഴും തന്നു
തന്‍ വേദികളിലെന്നുമിവനുണ്ടെന്നുറപ്പിച്ചു
മാറ്റുരയ്ക്കാനായി മാത്രമൊന്നാടിച്ച
വ്യര്‍ത്ഥയുദ്ധങ്ങള്‍ തന്‍ സംവിധാന പ്രഭൃതിവൃന്ദം
സഖാക്കള്‍; നമസ്തേ... നമസ്തേ...
ഉണര്‍വ്വിന്റെ നേര്‍വഴികള്‍ കാട്ടും
നെരിപ്പോടു നീറ്റി,യെ,ന്നുള്ളൊരുക്കാന്‍
അന്ധകാരാന്ധ്യത്തിനന്ത്യം വരുത്താ-
നകം വിശ്വമാക്കാന്‍, നിസ്സ്വാര്‍ത്ഥ
സ്വാര്‍ത്ഥത്തിനാലകം ധന്യമാക്കാന്‍
അറിവുമടയാളവും തന്നു ദൂരത്തു താരകളെ
വിരല്‍ ചൂണ്ടി നിന്നതാം സുകൃത ഹസ്തങ്ങള്‍;
നമസ്തേ... നമസ്തേ; നമസ്തേ... നമസ്തേ;
സര്‍വ്വവും കാലാനുസാരികള്‍
കാലന്നു പോലുമേ കണ്ണില്‍പ്പെടാത്തതാം തപ്ത ജന്മങ്ങള്‍
തമ്മി,ലൊട്ടൊന്നു,മൊട്ടിയു, മൊട്ടു,മൊട്ടാതെയും
വെറും കൊള്ളക്കൊടുക്കലിന്‍
പാപസാമ്യക്കണിശ നിശിതമായ് വേരോടി
നേരിട്ടറിയുന്നതാം കര്‍മ്മബന്ധങ്ങള്‍;
നമസ്തേ, നമസ്തേ; നമസ്തേ, നമസ്തേ...
ഒരിത്തിരി കരഞ്ഞും ചിരിച്ചും
പ്രണയിച്ചു പേയാടി വന്നെന്നെ മാടി വിളിച്ചും
നിറനിലാ സ്വപ്നമനുരാഗരാഗം നിറച്ചും
കവിതയില്‍ കാതരം വന്നുദിച്ചും
ആണായി, പെണ്ണായി, രണ്ടിന്‍റെ-
യതിരുകളുമില്ലാതുയര്‍ന്നതാം സൌഹൃദ
സ്നേഹരാഗങ്ങള്‍; നമസ്തേ, നമസ്തേ...
തിക്തമാമനുഭവച്ചൂടിന്റെ തീരാത്തുടര്‍ക്കഥയില്‍
എന്നുമൊരു രംഗമിവനെപ്പൊഴും തന്നു
തന്‍ വേദികളിലെന്നുമിവനുണ്ടെന്നുറപ്പിച്ചു
മാറ്റുരയ്ക്കാനായി മാത്രമൊന്നാടിച്ച
വ്യര്‍ത്ഥയുദ്ധങ്ങള്‍ തന്‍ സംവിധാന പ്രഭൃതിവൃന്ദം
സഖാക്കള്‍; നമസ്തേ... നമസ്തേ...
ഉണര്‍വ്വിന്റെ നേര്‍വഴികള്‍ കാട്ടും
നെരിപ്പോടു നീറ്റി,യെ,ന്നുള്ളൊരുക്കാന്‍
അന്ധകാരാന്ധ്യത്തിനന്ത്യം വരുത്താ-
നകം വിശ്വമാക്കാന്‍, നിസ്സ്വാര്‍ത്ഥ
സ്വാര്‍ത്ഥത്തിനാലകം ധന്യമാക്കാന്‍
അറിവുമടയാളവും തന്നു ദൂരത്തു താരകളെ
വിരല്‍ ചൂണ്ടി നിന്നതാം സുകൃത ഹസ്തങ്ങള്‍;
നമസ്തേ... നമസ്തേ; നമസ്തേ... നമസ്തേ;
ക്ഷരമാകു,മക്ഷരക്കെട്ടുകള്‍ക്കപ്പുറത്താ
ദിമ വിദ്യാ,വിചാര,സരിത്തുകള്‍
അക്ഷരാതീത,പ്പൊരുളാ,മുണര്‍വ്വിന്റെ
ആലക്തിക പ്രഭാ മിന്നല്‍പ്പിണരുകള്‍
ആറിത്തണുത്തുപോകാതകം നീറ്റി,
യല്‍പ്പാല്‍പ്പമാനന്ദമേകുന്നതാമാറു* വഴികളില്‍
കാലത്തെ വെല്ലുവാന്‍ വെമ്പലുകളില്ലാതെ,
കുറവൊന്നുമില്ലാതെ, അറിവിന്നറവാതി-
ലല്‍പ്പാല്‍പ്പമായിത്തുറക്കുവാ,നുയിരിനെ
ഉണര്‍വ്വായുയര്‍ത്തും വചസ്സേ, നമസ്തേ...
അറിവിനെ ഉണര്‍വ്വാക്കുമാദിപ്പൊരുളേ, നമസ്തേ...
നമസ്തേ... നമസ്തേ; നമസ്തേ... നമസ്തേ...
*ആറു ദര്‍ശനങ്ങള്‍
ദിമ വിദ്യാ,വിചാര,സരിത്തുകള്‍
അക്ഷരാതീത,പ്പൊരുളാ,മുണര്‍വ്വിന്റെ
ആലക്തിക പ്രഭാ മിന്നല്‍പ്പിണരുകള്‍
ആറിത്തണുത്തുപോകാതകം നീറ്റി,
യല്‍പ്പാല്‍പ്പമാനന്ദമേകുന്നതാമാറു* വഴികളില്‍
കാലത്തെ വെല്ലുവാന്‍ വെമ്പലുകളില്ലാതെ,
കുറവൊന്നുമില്ലാതെ, അറിവിന്നറവാതി-
ലല്‍പ്പാല്‍പ്പമായിത്തുറക്കുവാ,നുയിരിനെ
ഉണര്‍വ്വായുയര്‍ത്തും വചസ്സേ, നമസ്തേ...
അറിവിനെ ഉണര്‍വ്വാക്കുമാദിപ്പൊരുളേ, നമസ്തേ...
നമസ്തേ... നമസ്തേ; നമസ്തേ... നമസ്തേ...
*ആറു ദര്‍ശനങ്ങള്‍
No comments:
Post a Comment